As I was walking all alane
I met twa corbies making a main
And tane inta the tither did say O
Where shall we gang and dine the day O
In behint yon auld fell dyke
I wat there lies a new slain knight
And naebody kens that he lies there O
But his hawk and his hound and his lady fair O
His hound is tae the hunting gane
His hound tae fetch the wild fowl hame
His lady's taen anither mate O
So we maun make our dinner sweet O
Ye'll sit on his white hause bane
And I'll pike out his bonny blue een
Wi mony a lock o' his gowden hair O
We'll theek our nest when it grows bare O
Mony a one for him makes main
But nane shall ken where he is gane
O'er his white bones when they are bare O
The wind shall blow for ever mair O